Wie alles anjefange hätt
|
Schon minge Vatter wor fröher em Fastelovend ungerwägs. Met singem Partner nannten die sich domols Hot un Hötche. Do han ich mir jedaach: "Wat dä kann, kann ich och".
Ich han mich dann drei Johr beim Literarische Kumitee durch de Wolf drihe losse un han zick däm e Zertifikat. Hück spille ich en un öm Kölle en de Weltjecheech eröm un ben bei minger leeve Fründe vum KrK un vum VBK ungerjekumme. |
|
Wat ich maacheMet minger Jittar spille ich kölsche Leedcher un Krätzjer, suh wie et dat ald iwich jitt, domet suh en schön Saache nit ussstirve. En minger Texte jeit et mehschtendeils öm Kölle, dä jemeine Kölsche oder öm irjend ene blöde Verzäll. Un wenn ich Jlöck han, dunn de Lück och laache.
|
|
Woför ehr mich jebruche künnt
Jähn kumm ich op ühr Sitzung oder sönstije Fastelovendsveranstaltung. Ävver och söns künnt ehr mich für jedes Fess, sei et en der Famillich, em Verein oder söns wo jebruche. Selvs an Kreßdaach ben ich aktiv, besonders met e paar jot Fründe bei unserem Kreßdaachs-Kumitee.
|
|